Јасен Боко е роден во Сплит во 1961 година. Дипломирал драматургија на Факултетот за драмски уметности и светска книжевност со теорија на литературата на Филолошкиот факултет. Во учебната година 1993/94, како Фулбрајтов стипендист, студирал постдипломски студии по Playwriting/Screenwriting на престижниот американски универзитет New York University.
Од 1990 до 1994 година работел во Хрватско народно казалиште Сплит како драматург. Од 1994 до 2008 година бил вработен во Слободна Далмација, прво како уредник на културната рубрика, потоа како новинар-коментатор и театарски и книжевен критичар.
Во периодот 2008–2012 имал статус самостоен уметник, како слободен писател, а од декември 2012 година до крајот на 2023 работел во ХНК Сплит, каде што прво бил раководител на драмата, а потоа драматург и продуцент во Драмата.
Од почетокот на 2024 година работи во Хрватски клуб на патници како координатор и водач на патувања.
