Звонко Димоски

Звонко Димоски е преведувач, автор, театарски критичар и културен менаџер, чија работа ги поврзува современиот театар, литературата, културното наследство и развојот на заедницата. Од 2003 до 2018 година бил предавач на Институтот за словенски и балкански студии при Универзитетот „Адам Мицкјевиќ“ во Познањ, Полска, каде што предавал македонски јазик, литература, култура и родови студии. Работи како преведувач од полски, српски и англиски на македонски јазик за бројни издавачки куќи, културни институции и фестивали во Македонија и во Полска. Има преведено дела од водечки современи полски автори, меѓу кои Адам Загајевски, Јустина Баргелска, Владислав Рејмонт, Мариуш Шчигел, Анджеј Малешка, Јануш Корчак, Зузана Гинчанка, Уршула Хонек итн. Соработник во списанија за литература и уметност, театарски колумнист за umno.mk и автор на книгите „Современи театарски огледи, Книга 1“ и „Ex nihilo“, репортажна поезија за Андалузија. Бил дел од организацискиот тим на Македонскиот театарски фестивал „Војдан Чернодрински“, соработува со бројни театарски, литературни и уметнички фестивали во Македонија и регионот, како и со други културни платформи и иницијативи посветени на интердисциплинарна уметничка практика. Како основач на „Јавен Простор Прилеп“, платформа за заедничко управување со јавните простори и културен развој на заедницата, има иницирано и координирано бројни проекти кои ги поврзуваат културата, младинскиот ангажман, социјалното претприемништво и (ре)интерпретацијата на наследството.