Уште музика, уште муабети е трета книга од серијалот музички интервјуа со најразлични профили на луѓе што биле активни во најразлични жанрови: класична, џез, музика од светот, електронска и алтернативна музика.

Уште музика, уште муабети содржи 70 интервјуа, меѓу кои се интервјуата со Филип Глас, Стив Рајш, Макс Рихтер, Анушка Шанкар, Лиса Жерар, Брендан Пери („Dead Can Dance“), Тигран Хамасиан, Рон Картер, Џек Деџонет, Гоце Стевковски, Крсте Роџевски, Џон Патитучи, Мик Харви („Nick Cave and the Bad Seeds“), но и автори и новинари, како што се Бред Толински, Алан Лајт, Тошо Филиповски и визуелни уметници, како што се Жига Коритник, Брет Морган, Бил Вајман („Ролинг Стоунс“), Роџер Рос Вилијамс. Книгата е резултат на 20-годишно активно занимавање со новинарство, а овие разговори ги откриваат приказните зад приказните.