Разговори со ќерка ми за економијата или како функционира капитализмот–и каде греши

„Зошто има толку многу нееднаквост?“
Ксенија го прашува својот татко, светски познатиот економист Јанис Варуфакис.

Темелејќи се врз сеќавањата од нејзиното детство и низа познати приказни – од Едип и Фауст до Франкенштајн и Матрикс – Варуфакис објаснува сè што треба да знаете за да разберете зошто економијата е најважната драма на нашето време. Одговарајќи на привидно едноставните прашања на својата ќерка, Варуфакис со извонредна јасност го расчленува нашиот збунувачки свет, истовремено инспирирајќи нè да го направиме подобро место за живеење.

Поседувајќи ги најголемите политички доблести – храброста и искреноста – Варуфакис со карактеристична леснотија и живост ја раскажува кратката историја на капитализмот.