Романот „Магионичарот“ од ирскиот писател Колм Тојбин — фикционализирана биографија на големиот Томас Ман.
Во еден провинциски германски град, младиот Ман расте меѓу строгиот, конзервативен татко и непредвидливата мајка Бразилка. Додека ги крие своите уметнички стремежи и лични хомосексуални желби, постепено созрева во еден од најголемите писатели на своето време.
Ман се жени со Катја, од чие богато и културно еврејско семјство е воодушевен. Со неа има шест деца, а искуствата и копнежите ги претвора во незаборавни дела, меѓу кои и „Смрт во Венеција“. Романот го следи и неговиот пат низ бурниот ХХ век — од подемот на Хитлер кого самиот го потценува, па сè до бегството од Германија и животот во Швајцарија, Франција и Америка.
„Магионичарот“ е интимен и слоевит портрет на Ман, на неговото семејство и на времињата што ги обликувале нивните животи.
