„Технофеудализам“ од Јанис Варуфакис. Во својата најсмела книга досега, Варуфакис открива како технолошките гиганти станаа новите феудални господари создавајќи систем што ги обликува нашите животи, ја поткопува демократијата и ги менува правилата на глобалната моќ.
Додека светот беше преокупиран со кризи и пандемии, огромни финансиски ресурси се прелеаја кон „големата технологија“, овозможувајќи ѝ да изгради сопствени дигитални „феуди“ и да го преземе интернетот. Така се роди нов поредок – помоќен и поексплоататорски од сè што познававме досега.
Но, оваа книга не е само предупредување. Варуфакис покажува дека во технофеудализмот се кријат и можности за отпор – и тој ја отвора дебатата за тоа како да ја вратиме контролата врз нашите општества, слободата и иднината.
