Алгоритмеа : евлогија за дигиталните богови/ Аполон СМ-165.ехе

Сигурно сакате да дознаете како изгледа првата поема напишана од компјутерска програма, базирана врз стилот на Стефан Марковски!
Фактот дека Марковски го фингира „фактот“ од корицата на книгата, ја прави „Алгоритмеа“ постмодернистичка игра со технолошко-дигиталната реалност на духот, во која поетот и поезијата трагаат по својата смисла.
Или, како што вели Евтим Клетников во поговорот кон делото: „Поемата на Марковски е навистина извонредно податлива за филозофски спекулации за судбината на човекот во денешната екстратехнолошка ера и царство на дигиталните богови. Факт што ја имплицира истовремено и темата за улогата и судбината и на поетот и поезијата во тоа време“.
Поемата „напишана“ од програмскиот јазик Аполон СМ-165.ехе, со илустрации од Вангел Срнаков.