Користејќи го сопственото искуство, како и културната меморија, во Даена, Норма Данинг спојува шест моќни раскази што се концентрираат на современи ликови од народот Инуити. Од бездомници до екстравагантно богати, од спиритуални до истоштени, од млади до постари, па дури и од живи до починати, ликовите на Данинг ги обединуваат заедничките чувства на отуѓеност, раселување и осаменост што произлегуваат од нивните искуства во Јужна Канада.

Во Даена, што значи „оние што не се гледаат“, маестрално раскажувајќи приказни, Норма Данинг користи хумор и досетливи детали за да создаде привлечни ликови што се спознаваат себеси живеејќи во непријателска земја во која предрасудите, мизогинијата и неправедноста се скриени, а сепак се очигледни. Тие мора да се потпрат на својата духовитост, уметничкиот талент, сетилата за хумор и духовноста за да опстанат; но утеха наоѓаат и во блескавите моменти на повторно поврзување со своите семејства и заедници.

Даена ја освоила канадската Награда на Генералниот гувернер за книжевна фикција за 2021 година.