Катерина храбро чекори низ животот водејќи ги своите битки на лекарка, ќерка, мајка и сопруга. Од болничките ходници до далечните светски градови, од тивките семејни вечери до средбите што менуваат сè, таа открива дека најголемите животни одлуки често се наоѓаат во најобичните мигови.
„Ова е време за кафе“ е роман за љубовта што знае да чека, за пријателствата што остануваат засекогаш, за силата на семејството и за нераскинливата врска со татковината. Исполнет со топлина, емоции, надеж и човечност, тој нè потсетува дека вистинските вредности не се губат ниту со годините, ниту со далечините.
Затоа што секое време има своја приказна. А понекогаш, најубавите започнуваат токму… во времето за кафе.
